Qetinodeida's Blog

October 13, 2014

მოვიმარაგოთ კალგოტკები იაფად ზამთრისთვის

Filed under: Uncategorized — qetinodeida @ 7:08 pm

kalgotkaრაც კუბადან ჩამოვედი, მოვიწყინე. თავგადასავლების ნაკლებობას ვუჩივი, არაფერი საინტერესო ამ ქალაქში არ ხდება, არ მესმის როგორ ძლებთ ამ ქვეყანაში რა! ხანდახან გავიხედავ ხოლმე ჩემი ჩაბნელებული ფანჯრიდან, გავისვრი ორ-სამჯერ პისტოლეტს (მამაჩემმა მაჩუქა ყმაწვილქალობაში, ჩემო ქეთინო, არავინ დაგჩაგროსო, მაშ!), დავაფეთებ მეზობლებს, მერე შემოვძვრები სახლში და ვქირქილებ, სანამ ისინი იწყევლებიან. თან გულში ვიმეორებ “შენს ნათქვამს კატამ დაარწყია-თქო” და ყოველი შემთხვევისთვის, მარილსაც მარცხენა მხრის უკან ვყრი, მართლა თვალი რომ არ მეცეს ამ ვარდივით ქალს და სამჯერ კიდევ ზევით ვიფურთხები და მერე თავს ვუშვერ. ნაცადი რამეა, ჯერ არავის გავუთვალივარ, მენდეთ.

ხოდა, გავიგე, ჩემს აქ არყოფნაში კრიმინალი მომატებულა. რას არ მოიმატებდა, გენაცვალე, ყველა ტრაკშარა და უნიათო ვინც კი ციხეში იჯდა, დაუხვეტიათ და გამოუყრიათ გარეთ. მაგრამ, ქეთინო რის ქეთინოა, ყველაფერში პოზიტივი თუ არ დაინახა! (თვით-განვითარების კურსი მაქვს ახალგაზრდობაში გავლილი ჯაჯანიძესთან).

ski-mask-robber

ეს, მაგალითად, 200 დენიანი კალგოტკაა, სუფთა იტალიური. უშანგის ბიჭია თან, ვეხვეწე ფბ-ზე დავდებ ამ ფოტოს, გიხდება-მეთქი, მარა არ ქნა

როგორც კი გავიგე, ახალმა მთავრობამ საყოველთაო ამინისტია გამოაცხადაო, ავდექი და თურქეთიდან ეგრევე შემოვყარე წელვადი და გამძლე კალგოტკების მთელი სერია! 15-დენიანი, 20-დენიანი, 100-დენიანი, ზამთრის, ზაფხულის, თუ მსუქანი თუ გამხდარი ქალისთვის, რა გინდა სულო და გულო, მე რომ კალგოტკა არ მქონდეს! ამდენი კლიენტი მე ჩემს დღეში არა მყოლია! მოდიან, კაცო, თან სულ ნარჩევ-ნარჩევი ბიჭები, იქვე წააჭრიან ფეხებს ამ კალგოტკებს (თურქეთიდან კი ჩამოვიტანე, მაგრამ ნაღდი იტალიურებია ზოგი და მაინც გული მიკვდება), ჩამოიფხატებენ თავზე და გადიან ეგრე. ახლა აქცია მაქვს, ერთს + ერთი. მაგრამ წაგებაში რომ არ წავიდე, ყველა კალგოტკა დავჭერი შუაზე და ცალ-ცალ ფეხად ვყიდი. ხოდა ვინც ამ აქციაში ებმება, მთლიანს ვატან ხოლმე. თქვენ მოატყუებთ ქეთინოს?

მოკლედ, ყვავის ბიზნესი. ამასობაში, ცოტა რომ გამოვიქექე და ფხა გამოვიჩინე, კალგოტკის ხაზს მანიკურების ხაზიც დავამატე. აბა ახლა, თავზე რომ თვალწასული კალგოტკა გაქვს ჩამოცმული, არაა ლამაზი. ლამაზი იქით იყოს და იქნება გიცნოს ვიღაცამ. ეგრეა საერთოდ, საქმეს თუ აკეთებ, ლამაზად უნდა აკეთო. არ მიყვარს არაფრის მიფუჩეჩება. ყველა ჩემს კლიენტს მაგას ვასწავლი.

ხოდა ეს ჩემი მეზობელი როა, უშანგის ტრაკშარა ცოლი, ის დაამარიაჟებს ხოლმე ბაღჩა-ბეჭედს ნეკა თითზე წამოუკოსებია, ახლა ასეა მოდაშიო, მეორე ხელში აიფონ 6 უჭირავს და არის ერთ ამბავში თუ აივანზე, თუ მაღაზიაში, თუ პურის რიგში და თუ ავტობუსის გაჩერებაზე. ავტობუსში ამ ბეჭდის იმხელა თვალსაც ხელისგულისკენ შეიტრიალებს ხოლმე ავტობუსში, აქაოდა არავინ დაინახოსო და აქვს მთელი გზა მუჭში ჩაბღუჯული ის იმხელა ბრილიანტი. მეტი არ მინდა, რომელიმე ჩემმა კლიენტმა დაინახოს, ამხელა ქალი ვარ მაინც, ნაკოლის მიცემაც არ მინდა, ჩემს თავს ვერ გადავახტები, ნამეტანი მძიმე ვარ მაინც.

Advertisements

Leave a Comment »

No comments yet.

RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

%d bloggers like this: