წუხანდელ რეისს ჩამოვყევი კუბა-მიუნხენი-თბილისი. ჩარტერი არ იყო და პილოტს ვეხვეწე, მე ქუთაისთან დამტოვე, ავადმყოფი მამიდა მყავს სანახავი-მეთქი, მაგრამ არაფრით არ გამიჩერა. წამოვედი თბილისში.
ვინც არ იცის, ოთხი წელია კუბაში ვცხოვრობ, ინტერნეტის რეგულირებისა და სიტყვისა და გამოხატვის თავისუფლების დაბლოკვის დეპარტამენტის უფროსი ვიყავი, კარგ ფულსაც ვშოულობდი და შიგადაშიგ ინტერნეტშიც ვიჭყიტებოდი. მაგრამ ამხელა თანამდებობის ქალს დაპოსტვის უფლება არა მქონდა.
ბევრი რაღაც მომხდარა საქართველოში ჩემ არყოფნაში. ბიძინას მოსვლა-წასვლა გამოვტოვე, პირველ დემოკრატიულ არჩევნებსაც დავაკლდი, ანტიდისკრიმინაციული კანონი უჩემოდ მიიღეთ, გენაცვალე, აგერ ლევან ვასაძესაც ნინო ჟიჟილაშვილმა უპაჭუნა თვალები ჩემ მაგივრად, მაგრამ რაც გუშინ მოხდა, იმას ჩემი გული ვეღარ აიტანდა!
გამოპოწოლიკებულა აქ ღარიბაშვილი და იძახის, ასოცირების ხელშეკრულებას საქართველო მოაწერს ხელს და საქართველო კიდე მე ვარო. იქით მარგველაშვილს დაუსვია ცხვირი, ვისაც უნდა იმან მოაწეროს, მაგრამ სპრავედლივი პრეზიდენტის ხელმოწერა იქნებაო. მე კიდე ერთი არავის გავახსენდები! რითი ვარ, ვერ გავიგე, კახეთიდან ცალ-ცალი კალოშით ჩამოთრეულ ღარიბაშვილზე და იმის ტრაკშარა ცოლ ნუნუკაზე ნაკლები! სანამ ჩამოვიდოდი, მთელი გზა თვითმფრინავში ხელმოწერას ვამუღამებდი, გავავსე ფურცელი ფურცელზე!
ა, დედა, რითია ცუდი!
ან კიდევ ეს!
ახლა მოგმართავთ ერს და ბერს! ოფიციალური წერილი უნდა გავუშანშალო უსუფაშვილს, მაგრამ იმან თუ არ მიიღო, პირდაპირ შევდივარ პატრიარქთან! შორენა უკვე გაფრთხილებული მყავს და საქმის კურსშია.
ძველ მკითხველებს კი შევახსენებ, რომ ისევ იქ ვცხოვრობ, სადაც ვცხოვრობდი, ჩემს ვარდისფერ ლეპტოპს 12გბ-იანი მახსოვრობის ჩიპი ჩავუდგი, კუბაში მოპარული, ნაღდი, ახლა აიდი ბარათსაც ავიღებ და ხვალიდან ისევ საქართველოს აქტიური მოქალაქე ვიქნები.
P.S. კუბიდან ახალი ტავარი მაქვს ჩამოტანილი, იქსელი ზომები პალმებიანი საროჩკები, მარტო ჩემთან იღება და გამომიარეთ ლილოში.
მენდეთ,
გკოცნით,
თქვენი ქეთინო დეიდა.
qetinodeida
Qetinodeida's Blog 
მომნატრებიხარ დეიდა ქეთინო 🙂
Comment by nino — May 29, 2014 @ 10:42 am |
In Thailand building maintenance resume you will find ore information concerning Credit Cards.
Because you never personally deal with people that you aare
ignorin the ones that have enough traffic to deliver good results.
Try a bowl of fresh fruit, soje toaast with mom’s
favorite preserves, a cup of tea or coffee and a nice glass oof freshly squeezed orange juice.
While I was a great benefit to our household aat this time.
Comment by Marita — June 20, 2014 @ 5:51 am |
I’m not positive the place you are getting your information, however great topic.
I needs to spend some time learning more or understanding more.
Thank you for great info I used to be searching for this information for my mission.
Comment by Johnny Rapid — June 25, 2014 @ 11:08 pm |