Qetinodeida's Blog

April 26, 2010

ეს ჯიპელები ცაშიც არ მოგასვენებენ!

Filed under: Uncategorized — qetinodeida @ 7:11 pm

ერთხელ, გავიხედოთ და ჩემი მეზობელი ვახუშტი მოკვდა. ძაან კაი კაცი იყო საწყალი, ისეთი გული ჰქონდა, ჩვილი. ბოლოს ვეღარ მცნობდა, ერთხელ შორიდან დამიქნია ხელი, ქეთინოო დამიძახა.. ეჰ, ხოდა ვიკისრე თავიქალობა, წამოვიძახე მე მოვაგვარებ ყველაფერს–მეთქი და გავეშურე კუბოს საყიდლად. თან სია მქონდა ჩამოწიკწიკებული: კუბო უნდა მეყიდა სამი ოთხზე, ბალზამიროვკის ფასები უნდა გამერკვია, გადიდებული სურათი შავი ჩარჩოთი, მოკლედ ყველაფერი რაც ჭირდება ამ დროს კაცს უკანასკნელ გზაზე. ჰოდა მივედი დამკრძალავ ბიურო “ჰადესში”. (აქ ცხრა მომსახურების მერე მეათე უფასოა და ეს საწყალი ვახუშტი მეათე დაემთხვა, ის ფული კიდე მე ჩავიკუჭე). დამესივნენ აგენტები, ესაო, ისაო, სამგლოვიარო პროცესიაო, შავი ლიმუზინიო, სასახლეო, სურათი ანგელოზებიანი ჩარჩოთიო, დავხამდი, ვჭყიტე თვალები, მაგრამ გამახსენდა რომ ზომები არ ამიღია ამ საცოდავისთვის. ვეუბნები ამ აგენტებს, იმ საწყალის ზომისა ვიყავი, მე მოვირგებ კუბოს მეთქი, ჩავხტი ერთში, ჩავხტი მეორეში, მომეწონა ერთი–ორი. მერე იქვე იდგა ვარდისფერი კუბო, ეტყობოდა სულ ახალთახალი, ბზინავდა, პერლამუტრი იყო ცოტა. თვალი ვეღარ მოვწყვიტე. ხოდა ჩავხტი იმ კუბოში, ის უბედური ვახუშტიც დამავიწყდა და ჩემი ჩაკუჭული ფულიც, ვთქვი, ეჰ ქეთინო, შენ ამქვეყნად მაინც არავინ დაგაფასა ჯეროვნად–მეთქი, თვალები დავხუჭე, გულზე ხელები დავიდე და მოვკვდი.

ხოდა, გამოხდა ხანი და ვწევარ იმდღეს ჩემთვის ღრუბელზე, ვლივლივებ და თან ყურძენს მივირთმევ ნება–ნება. აქეთ–იქით ანგელოზები პალმის რტოებს მინიავებენ. წინ ჩემი ვარდისფერი ლეპტოპი მიდევს და კახი კალაძის ოდნოკლასნიკების გვერდს ვუჭვრიტინებ.  უცებ რაღაცა ხმაური მირღვევს ყუდროებას. ჩავხედე ქვემოთ, მივწი–მოვწიე ეს ღრუბლები და რას ვხედავ: ამ მოცუცქნული ჯიპას რადიოდან იმისთანა ხმაური გამოდის, ირყევა ჩემი ღრუბელი! აქეთ ნატა ქოთქოთებს, გადის გამოდის, ქერა თმებს დააფრიალებს, აქეთ ჟორა ბუზღუნებს. ვიფიქრე, რა არის კაცო, რამე სერიოზული რო იყოს ეს მერი ასე ხო არ ინარნარებდა მეთქი.  მერე ვიფიქრე, ნატას ეტყობა ისევ ცუდი კალენდარი მიუტანეს  და მაგიტომ ამოიგდებინა გული მეთქი. მერე ჟორას გავხედე, შემოუდვია ხელი შუბლზე, ანი მისჯდომია გვერდით და რაღაცაზე ეკითხება , ეს არ სცემს ხმას და შეჭმუხნული ზის. თან თავის ბლოკნოტში რაღაცას ჯღაბნის. მერე უცებ დაიყვირებს გულებს გაუხეთქავს ბავშვებს, ირინა რო შემომჯდარა მაგიდაზე ჩამოვარდება, ჟორა კიდე ხითხითებს, ხითხითებს, მარა ხითხითი იქით იყოს და  უცებ შეზანზარდა ჩემი ღრუბელი, ლამის გადმოვყირავდი იქიდან, რას ვხედავ, თეო ხარხარებს ბოლო ხმაზე, ღრუბლებიდან დავუნახე გლანდები. ჩაუწყდეს მაგას ხმა ასი წლის მერე! ან ამოიჭრას ეს გლანდები, ან ნუღარ დამანახებს მაინც კაცო! ჰოდა აქეთ ვეცი, იქეთ ვეცი, ვერც ნატალიას შევაგნებინე რამე, ვერც ჟორას, ეს გოგოები დარბიან წინ და უკან, მერი დაცუცუნებს, ჟორა იმაზე ბრაზდება მერი ასეთი მშვიდი როა, უცებ მამალმა დაჰყივლა საიდანღაციდან, იქ გუგა შემოვარდა გახვითქული, სცემს ბოლთას წინ და უკან (ვერ ისწავლა ამ ბიჭმა კარზე დაკაკუნება!), ესეც უკმაყოფილოა რაღაცით… მეთქი თქვენი ნერვები არა მაქვს, ეს ამხელა ქალი იმისთვის კი არ მოვმკვდარვარ, თქვენ გისმინოთ და თავი გიყადროთ მეთქი, ავწიე ხელი და ჩავიქნიე. ამოვძვერი ისევ ღრუბელზე.

ვწევარ ეხლა ისევ, ვლივლივებ ჩემთვის, სასიამოვნო ნიავი მიქიქინებს ცხვირ–პირში, დალალებს მინიავებს, ეს ყურძენი გამითავდა და რომელი ანგელოზი ჩავაგზავნო დეზერტირებში აღარ ვიცი.

Advertisements

5 Comments »

  1. chemi angelozi ar chaagzavno magasac vali eqneba :)))

    Comment by Dito — April 26, 2010 @ 7:43 pm | Reply

  2. კაი ახლა, ნუ გააპუსტიაკე ამხელა ქალი :))

    Comment by zurriuss — April 27, 2010 @ 4:13 am | Reply

  3. მომიკვტა თავიიიიი სად წასულხარ ქეთინო დეიდა და არ მცოდნიააააააააა
    მე უნდა ვიყო შენი ჭირისუფალიიი
    მე უნდა ჩამოვიხოკო ლოყააააა
    ტიტუუუუუუ
    (ჩემი ჩააგზავნე ყურძენზე, არ აქ ვალი მაგას)
    ვავავავვაავავაააააააა

    Comment by aku — May 10, 2010 @ 11:32 am | Reply

    • შენ არ ინერვიულო ჩემი ბიჭი, მე აქაც გადასარევად ვგრძნობ თავს. რას მიქვია ლოყის ჩამოხოკვა… არა ისე რატო, იხოკეთ!
      მენდე,
      მარად შენი ქეთინო დეიდა

      Comment by qetinodeida — May 12, 2010 @ 5:42 pm | Reply

  4. momenatra ketino deidaaaa

    Comment by sheila — December 20, 2010 @ 6:46 pm | Reply


RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

%d bloggers like this: