Qetinodeida's Blog

February 9, 2010

ქეთინო შარმელშეიხში!

Filed under: Uncategorized — qetinodeida @ 8:14 pm

ერთხელ, გავიხედოთ და, უშანგის ტრაკშარა ცოლი მეძახის, ამო კოფე მოვადუღე და დავლიოთო. გულმა რეჩხი კი მიყო, ეგ ტყუილად არ დამიძახებდა, მაგრამ ამოვიჩარე იღლიაში ორჯერ დასკოჩილი ჩერი ბონბონერი და ავედი. ათუხთუხებს კოფეს და ეშმაკური თვალებით მიყურებს. ვეუბნები, რა მოხდა, რა დაგმართნიაო. ჰოდა, მეუბნება, მეო და ჩემი უშანგიო ხვალ–ზეგ შარმელშეიხში მივდივართ თაფლობის თვე უნდა მოვიწყოთო. თაფლი და ჭირი თქვენ მეთქი, გავივლე გულში, მაგრამ იხტიბარი არ გავიტეხე და გაფაციცებით ჩავინიშნე როგორ და რანაირად მიფრინავდნენ და რამდენი დაუჯდათ ეს პაესტკა.

ჩამოვვარდი მერე სახლში, გამოვაძრე ბებიაჩემის ნაქონი ჩოთქი, გავწიე და გამოვწიე, დავთვალე, მერე მუთაქას მოვურღვიე პირი, ჩემი გადანაკუჭი ლარიანები ამოვაცოცე და კმაყოფილმა და ბედნიერმა ჩემი პირველი ქმრის ფოტოს შევხედე, რას მოესწრო საცოდავი, ამისი ცოლი!

იმ ღამესვე გადმოვიღე ჩემი დიდი ჩუმუდანი ჩავალაგე ჩემი ახალუხლები, თურქეთიდან ჩამოტანილი ახალი დვოიკაც ჩავტენე, გაუხსნელი კბილის ჯაგრისიც ჩავდე. მეორე დღეს სააგენტოში მივედი, ყველაზე იაფში სადაც გამოვიდოდი, კონვერტში ჩადებული თანხა თავზე სამჯერ შემოვიტარე და პუწიოვკაში გადავიხადე. მართალია ჩემი კოლიცო ლომბარდში გავისტუმრე, მაგრამ არა ბიჭო უშანგის ტრაკშარა ცოლს ვალაპარაკებდი, ქეთინო ზაფხულობით ბაღდადში ისვენებსო!

თვითმფრინავში ჩემი ადგილი არ მომეწონა, მძღოლის გვერდით მინდოდა ჯდომა ფანჯარასთან, ის იყო ერთი ფეხი ერთ ილუმინატორს მივადგი, მეორე _ მეორეს, მაგრამ მომვარდა ერთი სტიუარდესა და ჩამომსვა. არა მეთქი ქეთინო, არ გაგივა აქ შენებური თქო, შევუძახე თავს და დავმშვიდდი. სამაგიეროდ იმ გოგოს ქუდი წავართვი, მე უფრო მიხდება მეთქი დავამშვიდე. ლანჩის დრო მალე მოვიდა. მომიტანეს რაღაცა მაიმუნობა კრევეტები, ამოავლე ამ სოუსში და ჭამე შენი ხმა არ გავიგოო. ეს კი არ მომეწონა და ცხელი კერძი მოვითხოვე. ქეთინოს წინ რა დაუდგებოდა და მომართვეს.

სასტუმროს ნომერში ჩვეულებრივი საწოლი დამახვედრეს, არც ეგ მესიამოვნა. ერთი კი გულმა რეჩხი მიყო, მაგრამ მერე არაბული ტახტი მოვითხოვე, მე მაგაზე ნაკლებზე არ დავწვები მეთქი, გამოვუცხადე. გადახედეს ერთმანეთს შავშავმა არაბებმა, გადაუბურტყუნეს რაღაც ერთმანეთს და გაცქვრნენ. ორ წუთში შემოაჩოჩეს არაბული ტახტი. მერე დიდ ხანს იდგნენ და თითებით რაღაცას მანიშნებდნენ, მე ჟუაჩკა და ქაღალდის სალფეტკი მივეცი (თვითმფრინავში ლანჩის მერე სველი სალფეტკი მოგვცეს, ძაან კი დამენანა, ეგრე რომ მივეცი, მაგრამ აბა აღარ მეშვებოდნენ) და დამანებეს თავი.

ჰოდა, გავიხედოთ და უშანგის ტრაკშარა ცოლმა ჭყიტა თვალები, გვერდით რომ წამოვუკოსდი შარმელშეიხის პლაჟზე კოპლებიან ზედა–ქვედა კუპალნიკში გამოპოწოლიკებული!  ჩავარჭე ჩემი გამჭვირვალე ქოლგა პლაჟზე და გადავშალე ჟურნალი “თბილისელები”. თავშენახული ქალი ვარ და ორი ნომერი ვიყიდე ერთი ძველი ერთი ახალი და ერთიც ჟურნალი “კარუსელი”, კროსვორდებს შევავსებ მეთქი ვიფიქრე.

ისე მაინც რა ოხერი ვარ, ამ გამჭვირვალე ქოლგიდან უკეთესად ვხედავ უშანგის და მაგის ცოლს რას აკეთებენ, რას ჭამენ, რას სვამენ. ვაიმე, რას ხედავ ამას ქეთინო, უშანგი ვიღაც რუსის ნაშებს თავისი ტელეფონიც ფოტოებს უღებს, უშანგის ცოლი სკდება გულზე და თბილისიდან წამოღებულ ფენოვან ხაჭაპურს ხაჭაპურზე ჭამს.

საღამოს შემეცნებით ტურზე წავედი. ეს სფინქსი სულაც არ ყოფილა იმხელა, რამხელაც წარმომედგინა. ორ წუთში მოვექეცი თავზე. ამოვაძრე ჩემი დანა და დავიწყე “აქ იყო ქეთინო 2010 წლის” დაწერა. გამიგია, მსოფლიოს 7 საოცრებიდან ერთ–ერთთან თუ მოხვდიო, სურვილები უნდა მიაწერო ზედო, ხოდა გავაგრძელე ფხაჭნა.

აი ჩემი სურვილების სია სფინქსის ყურის ქვეშ ამის მერე ასე გამოიყურება:

1. ჩემი ლამზირას გაბედნიერება.

2. კუპალნიკების ახალი პარტიის ბოლომდე ამოყიდვა.

3. ჩემთვის კარგი კაცის გამოჩანგვლა ოშმ მჩგ უგ.

4. იანუკოვიჩის გაპრეზიდენტება. (იშ, ეგეც მაგათ!)

5. “ამირანის” ორი ბილეთი სამგანზომილებიან ფილმზე. (სულერთია ფილმი).

6. სამგანზომილებიანი ფილმის სათვალე. (იქნება იმით უკეთესად ჩანს წინა კორპუსში მესამე სართულზე ახალი ფარდები რო დაკიდეს, იმ ბინაში ვინები გადმოვიდნენ).

7.  თვითმფრინავში ობრატნიზე მაინც მძღოლის გვერდით დაჯდომა.

8. სტეფანე და სამი გოგოს ახალი კლიპის მტვ–ზე მოხვედრა.

ის იყო მეცხრეზე გადავედი და ნაბუქოს პროექტის ჩაშლას ვწერდი, რომ სფინქსთან უამრავი ხალხი შეგროვდა, მოვიდა ამწეკრანი, მომკიდა წელში რაღაცა და ჩამომსვა ძირს. ვასავსავე ხელ–ფეხი, ვიხვეწე, ვიმუდარე, ჩემი დანა ზევით დამრჩა მეთქი, მაგრამ ვინ გისმინა! ერთი სიტყვა ქართული ვერ გავაგონე ამ ეგვიპტელებს და არაბულით არავინ შემეშველა.

საბოლოო ჯამში მაინც კაი პაესტკა გამომივიდა. მართალია ზაგარნი კრემებს ხან ვის ვასმევინებდი, ხან ვის, მაგრამ, მაინც კარგად დავიფუფქე, ისეთი წითელი ვარ, ავ თვალს არ ვენახვები. თვითმფრინავშიც მძღოლის გვერდით გამოვიჭიმე, ხან წინა პარპრიზზე ვაკაკუნე, ხან რაღაც კნოპკებს ვუჩხიკინე, მერე მძღოლმა ლანჩი შეჭამა და ძირს ნამცეცები დაყარა, ვეცი, გამოვუხვეტე. მერე სტიუარდესას მაგივრად, მე ვილაქლაქე ყურმილში. რაღაცები მოვიტყუე, ილუმინატორები შეხსენით, თორემ კონდიციონერი აღარ მუშაობს და ამოვიხუთებით ყველა უჰაერობით–მეთქი.

ეგვიპტიდან სამახსოვრო საჩუქრები ჩამოვიტანე _ ბარაქის მომტანი ბეჰემოტი გამოვჭიმე პიანინოს თავზე. მეტი არ მინდა ის საქონელი ჩამიწვეს! ეხლა იმას ვფიქრობ, ჩემი კოლიცო გამოვიტანო ლომბარდიდან თუ დავტოვო. რაში მჭირდება პრინციპში. მკითხაობისთვისაც აღარ ვარგა, გაფუჭდა და ჭიქაზე აღარ აკაკუნებს წესიერად.

თუ ტურისტულ სააგენტოებთან რამე პრობლემა შეგექმნათ მე დამირეკეთ, მანდ ყველა ჩემი ბრატია, ბლატები მაქვს ყველგან,

მენდეთ რა,

თქვენი ქეთინო დეიდა.

Advertisements

5 Comments »

  1. ჩავიხოცეეეე….
    კაკ რას მინდოდა კუბაზე წასვლა და პრობლემა შემიქმნეს (მე მაგათ კუბოზე ვარაკუნე ალესილი ბარი) :)) ჰოდა თქვენი იმედი მაქვს, თორე მოკვდა ფიდელი ჩემს უნახავად! :))
    ისე, გამოგიტყდები და, რამდენი ცელულიტი გქონია ზურგზე :)))

    Comment by zurriuss — February 9, 2010 @ 8:52 pm | Reply

    • eg qetino deida ar aris mgoni , eg ushangas trakshara colia, qetinos gamchvirvale qolga aqvs 😉

      Comment by nino — February 10, 2010 @ 9:20 am | Reply

      • შენ რა გგონია ერთი ქოლგის ამარა წავედი შარმელშეიხში? მოკლედ რახან ქმარი დამეღუპა ამ ხალხს უპატრონო ვგონივარ რა 😦 აფსუს ქეთინო 😦

        Comment by qetinodeida — February 10, 2010 @ 7:51 pm

  2. სულ შენი ბრალია იანუკოვიჩის გამარჯვება . გისმინა სფინქსმა 🙂 ხო და რავი კუპალნიკებს ამ გაგანია ზამთარში თუ ამოყიდი აფერუმ შენს ქალობას 🙂

    Comment by mr.picasso — February 10, 2010 @ 11:54 pm | Reply

  3. აუ, მაგარიააააააააააა, გაიხარეეეეეეე! ერთ კუპალნიკს მე ვიყიდი, ზაფხული კატას ხო არ შეუჭამია, მოვა, სად წავა! :)))))))

    Comment by nino-n — March 13, 2010 @ 7:50 am | Reply


RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

%d bloggers like this: